Dielloù evit saoz

Pottermore presents

Posted in Levrioù with tags , on Here 14, 2016 by geekezig

pottermorepresentsPottermore presents a zo un dastumad levrioù niverel kinniget gant Pottermore ha J.K. Rowling. E deroù miz Gwengolo ez eus bet lakaet er gouloù tri anezho :
Hogwarts: An Incomplete and Unreliable Guide
Short Stories from Hogwarts of Heroism, Hardship and Dangerous Hobbies
Short Stories from Hogwarts of Power, Politics and Pesky Poltergeists

Levrioù berr-tre int (etre 60 ha 70 pajenn) gant pennadoù ken berr all, savet diwar an danvez a zo war lec’hienn Pottermore. Un doare plijus-tre da zizoloiñ pe addizoloiñ ar skridoù-se. Peadra da splujañ en-dro e Hogwarts ha gwelet un tamm istor al lec’h, perak ez eo bet dibabet kas ar vugale gant an tren, buhezioù ministred bet, poltredoù kelennerien resis (McGonagall ha Lupin <3), tasmantoù… Laouen bras on bet o lenn anezho, dudius ha dedennus bepred. Al levrioù niverel-se n’int ket ker met pep hini a ginnig testennoù strollet en un doare logik a-walc’h hag aesoc’h da implij eget Pottermore, evit un darn vras eus an dud emichañs! Daoust hag eñ e vo reoù all da zont en dastumad-se? Gwelet e vo!

Tri levr bet skrivet gant J.K. Rowling. Embannet gant Pottermore, e stumm niverel hepken, abaoe ar 6 a viz Gwengolo 2016.

L’heure des lames

Posted in Levrioù bannoù-treset with tags , , , , , on Gwengolo 5, 2016 by geekezig

heuredeslamesL’heure des lames a felle din lenn goude kuzulioù Davy Mourier en un abadenn 101%. Ul levr bannoù-treset saoz eo, e gwenn-ha-du. Scarper Lee a oar e varvo a-benn teir sizhun. Ur bed iskis-tre a ginnig Rob Davis d’al lenner-ez : bemdez e ra glav met kontilli a gouezh eus an oabl, leoned a zo war porzh ar skol hag ar mammoù ha tadoù a zo traoù/mekanikoù bet savet gant ar vugale. Tad Scarper a steuz kuit un nozvezh ha divizout a ra ar c’hrennard mont war e lerc’h gant sikour daou gamalad, un tamm a-gostez.
Souezhus-kenañ eo ar bed neuze, ne vez ket displeget kalz met seblantout a ra anat ha kazi logik an traoù. Un toullad kaozeadennoù kreñv ha fromus a zo ha plijet bras on bet gant ar fin. N’ouzon ket m’eo echu an istor pe get (peadra zo da gaout un eil moarvat met gallout a ra echuiñ evel-se ivez, war a seblant e vo un heuliad hervez lec’hienn an embanner gall) met bamet on bet. Ul levr iskis-kenañ, pinvidik, leun a ijin ha direnkus un tamm.LHeuredesLames_pl1Istor ha tresadennoù gant Rob Davis. Embannet e galleg gant Warum, d’an 20 a viz C’hwevrer 2016.

Harry Potter and the Cursed Child

Posted in Levrioù with tags , , , , on Eost 7, 2016 by geekezig

harry-potter-cursed-childNa souezhus distreiñ e bed J.K. Rowling dre ur pezh c’hoari bet skrivet gant unan bennak all… Tudennoù bet laosket a-gostez pell zo, tudennoù nevez, darempredoù etre tadoù ha mibien…
Kregiñ  a ra an arvest kentañ 19 vloaz goude darvoudoù Harry Potter and the Deathly Hallows. Albus, eil mab Harry ha Ginny a n’em sant laosket a-gostez evit abegoù a bep seurt. Ur wech kroget da vont da Hogwarts e vo mignon bras gant Scorpius, mab Draco Malfoy. Sorc’hennet gant e darempred gant e dad, Albus a gemero un diviz dic’hortoz a-grenn… Ur sapre penn iskis ‘m eus ranket ober pa ‘m eus komprenet e vefe diazezet istor ar pezh-c’hoari war : ar veaj en amzer! Na ta!
Ma, peadra da ijinañ a bep seurt hentoù disheñvel (kollet emgann Hogwarts gant tu ar re jentil da skouer). Kalon an istor avat a zo darempredoù Harry hag Albus ha Draco ha Scorpius. Poan o deus ar vibien o kompren an tadoù ha memestra eus an tu all, evel-just. Un dodenn dedennus hag a zo bet gwelet hag adwelet e romantoù J.K. Rowling peogwir e klaske Harry un tad bepred (Dumbledore, Sirius Black…). Bremañ m’eo tad ne oar ket mat penaos ober avat.
Dre stumm ar pezh-c’hoari e tremen buan spontus an traoù (kazi re marteze?) hag e seblant simpl-tre pep tra, netra da welet gant pinvidigezh stil J.K. Rowling. Un tamm dipitus e c’hall bezañ neuze evit ar re a ijine e c’hallfe bezañ a live gant ar romantoù. Tapet on bet en istor avat, a-drugarez d’an tudennoù dreist-holl : Scorpius, Ginny, Draco hag Albus (ar re all ivez, met ar re se o deus plijet ar muiañ din). C’hoarzhet ‘m eus meur a wech ha gouelet ivez, spontet gant darvoudoù zo, fromet gant kaozeadennoù all…
Kalz plijadur ‘m eus bet o lenn neuze. Daoust da bep tra, n’on ket evit chom hep kavout ez eus ur seurt blaz fanfic iskis gant an hollad, evel ma vefe bet divizet gant ar skipailh lakaat ur bern traoù a rafe plijadur d’ar potterheads, betek re a-wechoù. N’on ket bet jenet gant-se, fentus ‘m eus kavet kentoc’h, met kompren a ran an dud souezhet pe dipitet zoken rak traoù zo a seblant “too much”. Traoù all a seblant iskis ha n’int ket displeget mat (krouidigezh Delphi da skouer, a seblant din souezhus). Dipitet on bet gant “ar re zrouk” hag ivez gant an diouer a verc’hed en istor, Ginny a n’em den mat met un istor paotred hepken e seblant bezañ mod all, pe dost… Santad kreñvañ ma lennadenn a oa «na pegen dreist e rank bezañ war al leurenn!» avat. Ur dra vat eo neuze e vefen deuet a-benn da gaout plasoù evit mont da welet ar pezh ar bloaz a-zeu. 😀

Pezh-c’hoari skrivet gant Jack Thorne, diwar un istor savet gant J.K. Rowling, John Tiffany & Jack Thorne. Embannet gant Little, Brown and Company d’an 31 a viz Gouere 2016.

Shaun le mouton, le film

Posted in Filmoù with tags , , on Genver 22, 2016 by geekezig

shaun-le-moutonN’on ket e-touez an dud a sell ouzh stirad Shaun le mouton met kement a veuleudi ‘m eus klevet diwar-benn ar film em eus soñjet e ranken gwelet anezhañ memestra! An holl devezhioù a dremen e memes stumm e ti feurm Mossy Bottom hag erru eo skuizh Shaun gant se. Divizout a ra kemer un devezh vakañsoù met treiñ a ra fall pep tra! O ferc’henn a zo kaset dre zegouezh er gêr vras, kollet e vemor gantañ, ha setu an holl loened kollet-mik! Divizout a ra Shaun tapout ar bus davet ar gêr vras. Du-hont e ranko klask roud e vestr, klask tremen e-biou den ar servijoù a ra war-dro tapout al loened gouez e kêr.
Fentus-tre eo ar film ha brav bepred an disoc’h e toaz-merañ ha stop-motion. Berr eo, ha digomz setu e c’hall plijout d’ar re yaouankañ rak pep tra a vez komprenet hep kaoz! Ur film dudius ha fentus, evit ar re vras hag ar re vihan!

Film sevenet gant Richard Starzak ha Mark Burton. Rouantelezh-Unanet ha Frañs, 2015, 1e25.

Her Story

Posted in C'hoarioù video with tags , , , , on Genver 2, 2016 by geekezig

her-story-titlKlevet em eus kalz komz eus Her Story ar bloaz-mañ. N’ouzon ket perak ne felle ket din e brenañ padal e seblante dres bezañ an doare c’hoari a blij din. Da vare distaolioù ar goañv ‘m eus soñjet e oa poent din gwelet petra ‘oa memestra!
Ur c’hoari «simpl»-tre eo : un enklasker polis omp ha dirak un urzhiataer omp. Un diaz a zo digor ha gallout a reomp klask gerioù. Videoioù a zo da sellet, videoioù ur plac’h aterset gant ar polis. He gwaz a zo difoupet kuit. Deiziadoù disheñvel a zo ha meur a atersadenn neuze. Deomp da sellet ouzh ar videoioù (pemp d’ar muiañ gant memes enklask gerioù) ha kompren tamm-ha-tamm petra ‘zo c’hoarvezet, pe kregiñ da gaout ur mennozh…her-story-klaskKalz plijadur ‘m eus bet o c’hoari hag gant pep video o kaout mennozhioù gerioù nevez da glask (anvioù tud meneget en testeni da skouer). Ur c’hoari levraoueger eo un tamm me gav 😀
Posupl eo ivez lakaat doare gerioù war pep video evit adkavout anezho (‘m eus ket komprenet mat ar pal) hag ivez “mirout” videoioù a gostez, a gaver pouezus da skouer. Koulskoude, n’eus doare ebet da dennañ anezho pe da renkañ anezho ha ne vo ket dalc’het kont eus ar re hon eus gwelet evel pouezus pe get setu ‘m eus ket komprenet mat da betra servije kennebeut.her-story-videoGoude ur mare (un eur pe div?) avat em boa gwelet un toullad mat a videoioù ha ne oan ket gwall sur eus an darvoudoù tremenet. Un doare da druchañ ‘m eus kavet a-drugarez d’ar seurt tagoù aze (neuze e servijont d’un dra bennak, neketa?) pezh n’eo ket fin met d’am soñj n’em befe ket kavet an holl videoioù en un doare all ha n’on ket bet sikouret kalz e gwirionez gant ar videoioù da sellet ouzhpenn, ar pep pouezusañ ‘moa kavet drezon ma-unan.
Pezh a gavan un tamm dipitus gant ar c’hoari eo n’eus diskoulm sklaer ebet, d’ar c’hoarier-ez eo d’ober e veno (div deorienn a zo dre vras) hag un tamm c’hwerv ‘m eus kavet ar fin-se neuze, evel ma vankfe un dra bennak. Un doare darvoud iskis a zo ivez er fin, un den o tont da gomz ganeomp evit gouzout ma hon eus kavet an diskoulm, pezh a zo ne c’houlenn netra resis (forzh penaos n’hallomp ket respont estreget gant ya pe nann) hag ur wech respontet d’an den-se e vez gwelet ar c’hoari evel echuet. Iskis!
Traoùigoù ‘zo fentus tro-dro d’an diaz enklask (peogwir eo an dachenn c’hoari skramm burev un urzhiataer) : testennoù bihan da lenn, un horolaj giz-kozh hag ur c’hoari bihan solitaire).her-story-ouzhpenn Soñjet eo mat eo an doare da c’hoari me gav ha simpl eo da implij, zoken gant urzhiataerioù n’int ket galloudus d’am soñj, n’eus ezhomm dornell ebet, al logodenn hag un douchennaoueg a zo trawalc’h evit ober pep tra. Ar pep pouezusañ a zo ar filmoù ivez, an aktourez (Viva Seifert a zo kentoc’h ur ganerez war a seblant!) a zo kendrec’hus (mod all ne vefe ket div deorienn d’am soñj) ha tamm-ha-tamm e vez un tamm teneridigezh evit ar paourkaezh plac’h-se hag hec’h istor.her-story-e Saozneg saoz eo neuze eo ret diwall d’ar gerioù implijet (meur a wech ‘m eus klasket gerioù a zo kentoc’h «amerikaneg» hep disoc’h) ar pezh a c’hall bezañ un tamm iskis evit tud na gomzont ket saozneg bemdez. Ret eo bezañ gouest da gompren saozneg dre gomz ha/pe dre skrid ha kaout trawalc’h a c’heriaoueg evit klask ivez. Evit ar mare n’eo ket bet troet ar c’hoari e yezhoù all din da c’houzout pezh a c’hall bezañ domaj evit c’hoarierien zo.
Ar sonerezh a zo piano simpl ivez, na vir ket da vezañ aketus evit mont war-raok met a grou un aergelc’h a-wechoù nec’hus.
Ur c’hoari bihan eo neuze met dic’hortoz ha kentoc’h fin me gav, daoust din bezañ bet dipitet gant an disoc’h ha/pe ganin ma unan a-benn ar fin (diouer a ijin? C’hoant e padfe pelloc’h? Un tamm kollet etre an div deorienn?).
Lakaet n’eus ac’hanon da soñjal em chabistr karetañ eus levr Maïlou G-S Tamallet ! ivez ^^
Kuzuliañ a ran ar c’hoari-se rak n’eo ket ker, n’eo ket hir met ret eo kaout c’hoant tremen e amzer da sellet videoioù ha soñjal e gerioù da glask hepken, n’eus netra all d’ober e gwirionez pezh a c’hall bezañ gwelet evel ur film etreoberiat en dizurzh kentoc’h eget ur c’hoari er ster boutin. Deoc’h da welet!

C’hoari evit un den diorroet hag embannet gant Sam Barlow. Da bellgargañ hepken evit Windows, OS X hag iOS abaoe ar 24 a viz Even 2015.

Crimson Peak

Posted in Filmoù with tags , , , , , , on Kerzu 3, 2015 by geekezig

crimson_peakPell zo e oan o c’hortoz film nevez Guillermo del Toro. Ur film romantel ha gotek, ijinit ‘ta! Edith a zo merc’h un den a aferioù, ur plac’h emren ha mennet eo. Skrivañ a ra istorioù. Marv he mamm a soc’hen anezhi avat rak gwelet he deus bet anezhi e stumm un tasmant meur a wech. Un deiz bennak e erru ur breur hag ur c’hoar kevrinus e kêr. Edith a zo hoalet gant ar paotr ha dimeziñ a reont asambles. Tad Edith koulskoude en doa disfiz outo ha marvet eo en un doare souezhus un tamm. Hec’h unan e tiviz Edith dimeziñ ha mont da vevañ e bro saoz gant he gwaz ha c’hoar-gaer. Un ti kozh eo hini ar familh ha buan e wel Edith tasmantoù ha traoù nec’hus en ti. Sur eo e c’hoarvez traoù iskis.
N’eo ket ur film spont kement-se Crimson Peak evidon-me met brav eston ‘m eus kavet an aergelc’h (lec’hioù, dilhad…), brav ha nec’hus evel m’eo dleet bezañ! Plijet on bet gant tudenn Edith. Daoust din pas bezañ bet souezhet kement-se gant kevrinoù an istor a-benn ar fin em eus bet kalz a blijadur o sellet ouzh ar film, evel ur gontadenn deñval…

Film sevenet gant Guillermo del Toro. Stadoù-Unanet Amerika, (war skrammoù bras Frañs abaoe ar 14 a viz Here) 2015, 1e59.

Death Sentence

Posted in Levrioù bannoù-treset with tags , , , on Du 5, 2015 by geekezig

death-sentenceUl levr klok (one shot) gant un istor dedennus eo Death Sentence. Taget eo an denelezh gant ur c’hleñved-red revel nevez : ar G+. N’eus doare ebet da bareañ, ur wech dihunet ar c’hleñved e chom bev an den klañv e-pad 6 miz. 6 miz e lec’h m’eo kreñvoc’h, speredekoc’h, hag all. Heuliet e vo tri den klañv a raio a bep seurt gant o “galloudoù”.
Mennozh diazez Death Sentence a gaven dreist. Koulskoude on bet dipitet un tamm. Dija, evidon me ez eus re a rev evit ober “rated M for mature” ha ne servij ket da galz tra a benn ar fin, un tamm hegasus e oa goude ur mare. Goude-se ne oa ket disheñvel a-walc’h an tudennoù ar benn ar fin : 3 saoz gwenn, daou anezho brudet, arzourien pe damheñvel tout. Dedennusoc’h vefe bet gwelet tud eus metouioù disheñvel ha marteze tud n’int ket boaz d’ar galloud/d’ar rev rankout tallañ ouzh ar pezh a c’hoarvez ganto. Ma, un danvez diazez a-feson met n’eo ket dreistordinal an disoc’h, siwazh.death-sentence_

Istor gant MONTYNERO, tresadennoù gant Mike Dowling. Embannet e galleg gant Delcourt, d’ar 4 a viz C’hwevrer 2015.

%d bloggers like this: