Dielloù evit vakañsoù

Une sœur

Posted in Levrioù bannoù-treset with tags , , , , , on Eost 6, 2017 by geekezig

Ul levr bannoù-treset a zoare eo Une sœur evit an hañv. Tremen a ra familh Antoine he vakañsoù e kichen ar mor, kostez Molenez. Un ti vakañsoù o deus du-se. Antoine hag e vreur Titi a dres, a c’hoari DS, a ya da neuial ha da c’hoari war an draezhenn hag all. Sylvie, ur vignonez d’o zud, he deus kollet he danvez babig. Dont a ra da gaout repu gant he merc’h Hélène, 16 vloaz, en o zi. Hélène a zo koant hag a fell dezhi ober ur bern traoù. Bamet eo Antoine. Asambles ganti ez aio da ouelioù gant reoù yaouank o kampiñ dre aze hag e vo darempredoù revel etrezo zoken. Pep tra a zo dous koulskoude, gwelet dre sell Antoine, 13 vloaz, bugel c’hoazh un tamm… Brav eo an tresadennoù ouzhpenn. Deuet eo brav santad an amzer o tremen e-pad an hañv, devezhioù da leuniañ, aon ha c’hoant ober traoù “evit ar re vras” ha melkoni koulskoude.
Ar fin am eus kavet fromus. Ul levr kaer!Istor ha tresadennoù gant Bastien Vivès. Embannet gant Casterman, d’an 3 a viz Mae 2017.

Advertisements

This One Summer

Posted in Levrioù bannoù-treset with tags , , , , , on C'hwevrer 17, 2017 by geekezig

thisonesummerAbaoe pell e welan This One Summer hag e fell din e lenn, aliet eo bet gant ur bern tud ouzhpenn.
Rose a ya betek an ti a vez feurmet gant he zud bep bloaz evitan hañv. Du-hont e c’hoari gant Windy, he amezegez a zo un tammig yaouankoc’h. Stignet eo an traoù etre mamm ha tad Rose. An div rak-krennardez a feurm filmoù, a ya da neuial, a bren madigoù hag a glask heuliañ istorioù ar re yaouank a labour er stal…
Ur poltred fromus a ginnig an div genitervez el levr bannoù-treset-mañ. Un istor familh, gant an darvoudoù start, mignoniezh, ar vakañsoù ha dreist-holl ar guriusted a c’hall krennarded “vihan” kaout evit ar re “vras”, dieub hag o vevañ traoù all… Brav eo an tresadennoù hag an dibab livioù (un doare bikromiezh a vez kavet ingal e Amerika an Norzh war a seblant). Un istor gant tudennoù gwirheñvel, ul levr leun a gizidigezh a alian deoc’h ivez bremañ.this-one-summerIstor gant Mariko Tamaki, tresadennoù gant Jillian Tamaki. Embannet gant First second, d’ar 6 a viz Mae 2014.

%d bloggers like this: