Tomorrowland

tomorrowlandIskis eo ijinañ ez eus bet graet ur film tro-dro d’ul lodenn eus Disneyland. Met sevenet gant Brad Bird a blij din kalz e filmoù neuze e oan kurius un tamm! Kregiñ a ra ar film en un doare un tamm souezhus e lec’h ma kaoze Franck gant ar seller, Casey a vez o troc’hañ red e gaoz bepred, jenet on bet un tamm gant se. Koulskoude, ur wech lañset an istor ne oan ket hegaset ken! Gorrek a-walc’h eo lusk ar film, amzer zo da gaout un tamm fent, kalz birvilh. Ur mare zo en deus e gwirionez lakaet ac’hanon da soñjal e Home Alone, e lec’h ma vefe Kevin deuet da vezañ ur c’hozh ijinour foll. Casey ‘m eus kavet plijus-tre evel tudenn : aon he deus pa seblant anat met leun a startijenn hag a ijin eo bepred. Athena a zo dispar a-walc’h ivez, dipitusoc’h ‘m eus kavet “hini drouk” ar film, Nix. Ur film evit ar vugale eo, met ur film a gav din a zeu a-benn da dreuzkas ar pezh eo sañset d’ober : spi. Gwellwelour kenañ eo, ur film a lâr sklaer eo ret da bep hini kregiñ barzh ha kaout fiziañs. Evel-just e seblant un tamm eeun met vad a ra gwelet filmoù a seurt se evit ar vugale.

Film sevenet gant Brad Bird. Stadoù-Unanet Amerika, (deuet er-maez er sinema e Frañs d’an 20 a viz Mae) 2015, 2e10.

Advertisements

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: