Les Garçons et Guillaume, à table!

LES+GARCONS+ET+GUILLAUME+A+TABLENe oan ket bet o welet Les Garçons et Guillaume, à table! hag un tamm hegaset ‘oan bet zoken o sellet ouzh abadenn ar Césars e miz C’hwevrer tremen. Ma, soñjet ‘m eus e oa gwelloc’h bezañ bet gwelet ar film evit barn memestra.
Ur pezh c’hoari e oa da gentañ o kontañ ul lodenn eus buhez Guillaume Galienne. C’hoarzhet ‘m eus meur a wech e-kerzh ar film, anzav a ran ez eus traoùigoù deuet brav. Pezh a zo ez eus ivez kalz lodennoù un tamm startoc’h da zifenn. E penn-kentañ an istor en em sant Guillaume ur plac’h. Diwezhatoc’h e vo lakaet ar gaoz kentoc’h war heñvel-garantez met hep displegañ kement-se ar pezh a lak da grediñ ez eus treuzkompren etre treuzrevelezh ha heñvel-garantez. Torr-penn ‘m eus kavet ivez e vefe c’hoariet Guillaume gant Guillaume Galienne a-hed ar film, zoken p’eo 16 vloaz… Un tamm start da grediñ! Padal n’on ket bet direnket tamm ebet gantañ o c’hoari perzh e vamm, aze e oa dispar (gwelloc’h eget e berzh dezhañ kazi!) ^^ Displijet on bet ivez gant an ezhomm da ziskouez tammoù pezh-c’hoari. Evidon-me e pounera ar film ha ne zegas ket kalz a dra (estreget er fin met posupl vefe implijout ar pezh er c’hlozadur hepken d’am meno). Ar gwashañ tra marteze a zo ivez “pegen start eo bezañ arallreviad” en ur metou digor a-spered. Pa soñjer e pezh a c’hall gouzañv an hevelrevidi eo un tamm euzhus lârat seurt traoù zoken m’eo evit bezañ fentus. N’eo ket ur film displijus da sellet, er c’hontrol met ur bern tuioù fall en deus siwazh.

Film sevenet gant Guillaume Galienne. Frañs, 2013, 1e27.

Advertisements

2 Respont to “Les Garçons et Guillaume, à table!”

  1. Trugarez, just a-walc’h eo bet aliet din sellet outañ…

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: