Submarine

SubmarineN’eus ket keit-se ‘zo e oa bet komzet din eus ur film savet gant Richard Ayoade. Ha me da lârat “o sell ‘ta! Sevel a ra filmoù?” ya, hag ouzhpenn-se ne oa ket e film kentañ! E film kentañ a oa Submarine, a felle din gwelet dija pa oa deuet er-maez hep na ouifen e oa aktour The IT Crowd o seveniñ ar film.
Submarine a zo ur film dres doare reoù Wes Anderson. Betek re kazi… Kontet eo e “chabistroù”, an aergelc’h, ar fent hag an tudennoù a seblant bezañ re Rushmore pe forzh peseurt film all gant Wes Anderson. N’eo ket un dra hegasus pa blij a stil-se din met anzav a ran em eus bet poan o kavout plijus da vat abalamour da se. Mod all eo Submarine ur film speredek a-walc’h diwar-benn ar grennardiezh, ar grennarded, ar familh. Oliver Tate a glask kaout ur vignonez ha derc’hel gant e darempred ganti, daoust d’ar skoilhoù (krign-bev mamm Jordana) hag ivez “ober war-dro” koublad e dud a zo o tispenn un tamm. Ur bern sioù a zo gant an holl, kalz tudennoù gwan pe/ha drouk a zo, ar pezh a zo gwirheñvel ha ral er filmoù “krennarded” er bloavezhioù tremen. Ur film fentus ha skañv eo ha war memes tro eo kentoc’h teñval ha trist, evel ma c’hall bezañ ar grennarded 😉
Ur prantad plijus ‘m eus tremenet dirak ar film neuze met spi ‘m eus en deus Richard Ayoade kavet ur stil dezhañ e-unan en e eil film a fell din gwelet bremañ.

Film sevenet gant Richard Ayoade. Rouantelezh-Unanet & Stadoù-Unanet, 2010, 1e37.

Advertisements

Ur respont to “Submarine”

  1. […] em boa Submarine n’eus ket keit-se zo met The Double a oa film Richard Ayoade a felle din gwelet groñs. Ur […]

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: