Les douze tribus d’Hattie

Les-douze-tribus-dHattieE 1925 e krog romant kentañ Ayana Mathis. Ur plac’h yaouank du a 17 vloaz a glask ober war-dro he foupiged, geveled. Klañv int siwazh… Heuliet e vo neuze a-hed an XXvet kantved pe dost, istor Hattie hag he bugale, e karterioù du Philadelphia, pe e lec’h all. Skrivet eo ar romant evel un dastumad danevelloù kazi, ur chabistr evit pep bugel hag a grou un istor a-bezh. Dizingal ‘m eus kavet abalamour da se. N’eo ket ken kreñv poltred Hattie hag a oa hini Olive Kitteridgeme gav met dedennus-tre eo gwelet poltred ur familh, plas an dud du a-hed ar c’hantved e Stadoù-Unanet. Diforc’hioù etre Su ha Norzh a vez meneget bepred. Skoet on bet dreist-holl gant istorioù Allice ha Billups, a ziskouez ur metou sokial uhel a-walc’h, familhoù “bourc’hiz” du a-benn ar fin hag istor Bell hag he darempred skoemp-tre gant Hattie. Prantadoù all a chomo splann em spered ivez : pa ziviz Hattie mont da c’houlenn arc’hant ar sikourioù sokial a-benn magañ ha gwiskañ he bugale, daoust da varnedigezh hec’h amezeien… An holl chabistroù a ziskouez traoù disheñvel a-benn ar fin met temoù a zeu ingal, en o-zouez ar relijion. Mat-tre em boa kavet respont ar skrivagnerez p’am boa selaouet outi e Roazhon e miz Ebrel, a responte n’halle ket ober van ne oa ket ur pouez gant ar relijion en ur lakaat un istor da dremen en XXvet kantved. Ma, ur romant dedennus eo neuze, ur plac’h eus ar plijusañ. Heuliañ a rin a-dost ar pezh a skrivo da c’houde.

Romant skrivet gant Ayana Mathis. Embannet e galleg gant Gallmeister, d’an 2 a viz Genver 2014.

Advertisements

Ur respont to “Les douze tribus d’Hattie”

  1. […] teulfilm a oa bet kuzuliet din gant mignonez Ayana Mathis eo 20 Feet From Stardom. Lâret he doa din e oa ur film diwar-benn merc’hed kalonek ha […]

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: