Joe’s Apartment

joeGouzout a raen e oa eus ar film-se hag e oa droch, met n’em boa ket e welet biskoazh daoust din bezañ bet sot gant Jerry O’Connell d’ur mare zo. Ur sapre degouezh eo e vefe bet skignet en Utopiales me gav din! ^^ War a seblant e oa an trede gwech hepken d’ar film bezañ skignet (war skramm bras) er c’hwec’hkorn ha start-tre eo kavout ur skouerenn, Warner Bros o klask kuzhat un tamm ar film bremañ.
Ma, neuze. Joe’s Apartment! Ur paotr yaouank eus Iowa a erru e New York. Dre zegouezh e kav lojeiz (ne gontin ket penaos :D). Ur bern kloreged a zo en ti, ha komz (ha kanañ!) a reont! N’eo ket gwall sirius ar paotr na gwall brop kennebeut neuze e plij kalz dezho. Perc’henn an ti a glask gounit arc’hant avat ha neuze e vez abafet (pa n’eo ket gwashoc’h!) an dud, dezho da vont kuit. Joe hag e geneiled niverus a stourmo outo, en ur glask ivez merc’heta merc’h ur senedour ha kavout/mirout labour…
Un toullad mat eus al lodennoù gant ar c’hloreged a zo e stop-motion, ar pezh a ra e kosha kentoc’h mat. Ar fent n’eo ket gwall fin (kalz staot-kaoc’h a zo) met c’hoarzhet ‘m eus kalzik, gant chadenn bublik ar c’hloreged da skouer, pe an holl dammoù kan ha dañs droch ! ^^ Ur sell spontus war kêr New York (evel vez gwelet ur wech an amzer) a zo ouzhpenn. Ur film “forzh petra” neuze met n’eo ket ken didalvoud-se.

Film amerikan sevenet gant John Payson e 1996, 1e17.

Advertisements

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: