Bride Stories 2

Gortoz pell, gortoz gwell, hañ? Ur c’hantved a zo tremenet abaoe levrenn gentañ Bride Stories (nann, n’on ket techet da vont re bell ganti, petra lârit?). Ya ya, gouest a vefen bet da vont da brenañ anezhañ ma oa ken start-se…Ma! Un drugar eo bepred ar manga-se, e-lec’h ma vo gwelet an darempred etre Amir hag he gwaz o cheñch goude m’en defe klasket paotred he familh kemer anezhi en dro peogwir n’eo ket dougerez (hey tudoù, dimezet ho peus anezhi gant ur bugel…) : Emgannoù!
Ur bern traoù all a zo ivez, tro-dro da labourioù ar merc’hed dreist-holl : poazhañ bara, brodañ…
Ur gwir teulmanga ^^
Komprenet e vez e fin al levrenn e vo heuliet ar saoz, Smith hag e vo gwelet neuze meuriadoù all ha lec’hioù all (merc’hed dimezet all, sûr). Trist eo un tamm met dedennus e vo, anat!