Les lumières de Tyr
Souezhet e vo lennerien zo o welet neuz al levr-mañ marteze (‘michañs? Evit ar re zo erru boaz da welet petra lennan). Anzav a ran diouzhtu deoc’h (ha d’ar re n’int ket evit gouzañv al levrioù bannoù-treset) : ret eo din lenn un toullad mat evit ma labour setu e vo ur beeern pennadoù, diwar-benn traoù ne vefen ket bet o lenn da gustum.
Kroget em eus gant hemañ peogwir e kaven vil euzhus an tresadennoù (kenkoulz din mirout an traoù plijusañ pa vin erru skuizh!).
Fentus eo an istor avat. Tremen a ra an traoù e Tyr, ur gêr e su Liban. Mustapha ha Mohammed a zo nec’het abalamour ma vez imoret fall an dud pa vez troc’hadennoù tredan diouzh an noz : ma tiskenn an dud da lakaat an tredan en-dro n’hallont ket pignat ken gant ar bignerez da c’houde, an dud a chom er gêr neuze. Pezh a zo ne gouskont ket mat peogwir ne ya ket an avelerien-tredan en-dro ken! Ur gwir kelc’h-bac’h spontus…
Evel gour-harozed e tiviz an daou vreur mont da lakaat an tredan en-dro e ti an dud ha tamm-ha-tamm e kresko o strollad.
N’eo ket fall tamm ebet an istor a gomz eus kudennoù fetis gant diskoulmoù leun a ijin bugale. Echuiñ a ra un tamm trum an traoù (evel boaz a-benn ar fin, pa vez kavet un “diskoulm” gant an dud vras…) met plijadur em eus bet o lenn avañturioù ar strolladig-se. Domaj eo e vefe ken vil an tresadennoù memestra!! Brav e vefe bet kaout un istor e liv ouzhpenn evit klotañ gant bed ar vugale… Aze e ra tristik an traoù. Ma!
Ha fellout a ra deoc'h reiñ da lenn ar pennad-mañ da dud all ?
- Click to share on Twitter (Opens in new window)
- Click to share on Facebook (Opens in new window)
- Click to share on Tumblr (Opens in new window)
- Click to share on WhatsApp (Opens in new window)
- Click to share on Flattr (Opens in new window)
- Click to email a link to a friend (Opens in new window)
- Click to print (Opens in new window)
War an hevelep danvez
This entry was posted on Here 30, 2012 at 10:08 am and is filed under Levrioù bannoù-treset with tags bed ordinal, brezel diabarzh, bugaleaj, Liban. You can follow any responses to this entry through the RSS 2.0 feed. You can leave a response, or trackback from your own site.
This site uses Akismet to reduce spam. Learn how your comment data is processed.
Ober un evezhiadenn