Sons of Anarchy – bloavezh 3

Trede bloavezh paotred SAMCRO a grog dres goude fin an eil. Jax a zo diskaret, Gemma a rank kuzhat hag all. Lodennoù hirig eus pep rann a dremen en Iwerzhon gant paotred SAMCRO Belfast ha dreist-holl tud an IRA, araok ma yafe kazi tout ar baotred du-hont e kreiz ar bloavezh (e-pad teir rann ma ‘m eus soñj mat).
Kalz kudennoù personel o deus holl, Tara a zo kollet un tamm en he darempred gant Jax a vez atav o c’houlenn diganti mont kuit, Gemma a rank ober war-dro he zad klañv gant Alzheimer, kalz gevier ha traoù a chom kuzh a zo ivez… Kalz prantadoù fromus-tre a zo adalek ar penn-kentañ tout.
Dedennus kenañ eo ar bloavezh-se peogwir e vez merzet sklaer pegen “bihan” eo strollad Sons of Anarchy keñveriet gant strolladoù all, ha dreist-holl ur strollad evel an IRA. E-keit m’emañ ar baotred e Belfast ez eus kudennoù e Charming ivez peogwir emañ an traoù o cheñch : erru skuizh an dud gant ar fed e renfe ar strollad paotred war virc’hi-tan war ar gêriadenn, c’hoant ganto e paouzfe ar feulster. Ar fliked a zo lakaet a gostez penn-da-benn gant divizoù an ti-kêr hag ar pennoù embregerezh a zo e Charming. Ur bern traoù dedennus neuze.
Plijus-tre ‘m eus kavet an tudennoù ivez, Stahl a zo luzietoc’h eget biskoazh, Hunser a zo etre daou araok na vefe trahiset, renerez Tara a guzh ur vuhez kent iskis… met en Iwerzhon ivez e vo tud dedennus, en o-zouez an Tad Kellan, a seblant da gentañ implijout an holl evit mad an arme, met luzietoc’h e vo a-benn ar fin…
N’on ket deuet a-benn da c’houzout ma oa bet filmet an traoù en Iwerzhon (gav ket din met piv oar) met anat eo ez eo ur bloavezh dispar, lusket mat ha leun a zanvez e pep keñver. Dreist!

Advertisements

Ur respont to “Sons of Anarchy – bloavezh 3”

  1. […] gouzout a ran e anavezan anezhañ hag e plij din met piv eo?” (araok kompren eo Jax eus Sons of Anarchy ^^), d’ar baotred gant c’hwezh bier a rae trouz n’em c’hichen, an […]

Lezel ur respont

Fill in your details below or click an icon to log in:

Logo WordPress.com

Emaoc'h oc'h ober un evezhiadenn gant ho kont WordPress.com Log Out / Kemmañ )

Skeudenn Twitter

Emaoc'h oc'h ober un evezhiadenn gant ho kont Twitter Log Out / Kemmañ )

Luc'hskeudenn Facebook

Emaoc'h oc'h ober un evezhiadenn gant ho kont Facebook Log Out / Kemmañ )

Google+ photo

Emaoc'h oc'h ober un evezhiadenn gant ho kont Google+ Log Out / Kemmañ )

War gevreañ ouzh %s

%d bloggers like this: